10月06日(好開心) 我的愉快中秋節!!

 

2006年10月6日一個溫馨的中秋夜

 

 

 

 

 

（我真係好鐘意食冰皮月餅）

感覺今年是我人生比較圓滿的中秋夜 
心中最重的親人都在中秋節當天見面了
雖然大破財！（去左探姨媽五百蚊報銷了）
　　　　　　（家姐生日夾錢送禮物七百蚊又報銷了）
　　　　　　（奇奇媽媽中秋節壞電話陪佢買過隻千幾蚊又報銷了）
　　　　　　（仲有要比錢媽咪過節又一千蚊報銷了）我份人工呀(仲未計買月餅錢).....

 

但我覺得值得的！　快樂係冇得咁去計！
It is WoRth

其實我覺得人大了，漸漸失去對節日的感覺
細個的我真係好鐘意玩蠟燭
我果時聽到大人話越來越冇節日氣氛
我唔信o家，我以為我這一生一世都會鐘意玩
但人大左，真係會失去興趣
我分唔清係自己到底係冇興趣去做定係冇心力去做
我地會比好多理由自己~　話人大左玩既野唔同左o者
但心裡面我覺得，其實有咩好得過同自己最親最愛的人一起過？
去唱歌去飲野幾時都可以
但一家人去享受一個特別o既夜晚係好難得的事                           (走馬燈好多年都冇見過了)

                                                                                                                                                

我好懷念以前既中秋，好懷念玩蠟燭玩燈籠的日子
但我都好珍惜今年的中秋~ 因為我地都仲係一家人齊齊整整咁慶祝                                                                                 

希望明年的中秋我會去"放下火"~ 唔好希望~ 而係一定實行~

 

仲有要o係呢喥同我10月12日生日o既家姐講聲幾多歲我唔會公開既放心