10月25日(平靜夜)2006年的萬聖節

不一樣的HaLLoWeeN

過兩天就係Halloween嚕！我估我都係無無聊聊就咁就過左....！好多好多年冇慶祝過啦...！！
其實我都覺得冇咩值得慶祝...但我覺得個氣氛真係幾正！咁多年Halloween我都係去過玩一次 =___=
另外一次呢就係去左赤柱食飯，睇鬼......真搞鬼！！
其實我都幾想今年去玩，雖然我都唔細.....！27....黎緊28添！但我好驚老左果時先覺得有太多野我冇做過
我都想去free下，而家日日都淨係返工放工返屋企，我覺得自己開始有似d隱閉青年！

我地成日話o係唔同年紀應該真番唔同層次既野
我某程度都認同，只但係......我覺一個人如果能夠保持一份青年的稚氣，其實都幾好丫
（雖然好似比個籍口自己去玩咁）但係我真係覺得做人一生得果幾十年
比你憂前憂後咁就憂左大半生，我唔想lor！我要改變下?　充實下自己?

如果可以的話我希望可以o係今個Halloween出去玩番晚　哈哈哈哈
扮隻鬼去嚇下人先！　 唔知今年好唔好氣氛呢？
我上年買左果隻紅色魔鬼角同叉都未用過 嘿嘿~  好鬼得意o家
不過我估我都唔大機會出去玩因為..................我本身就係隻"懶過鬼"