11月11日(高興日)好好好友要嫁了

2006年11月11日漂亮的新娘 一個看似平平無奇的日期 但有著讓人忘不了的回憶~!! 唉~ 都已經唔知第幾次做姐妹了 但感覺依然緊張，而且今次還要被 "臨時拉夫" 做嘛MC.....唉?！不堪入目！（佢明明話搵左人做MC，點知下午三點先同我講今晚由我做....雖然只係幾句說話，但我都差d想暈) 我呢套裙係媽咪幫我預備（真的要謝謝她 ） 她那天一直打電話給我，問我要唔要拎對靚D的鞋比我又問我要唔要"帔肩"......佢知我平時唔捨得買靚鞋，佢擔心我..........."觀音頭掃把腳" 哈哈哈~ 果日其實真係好累......真心的講一句.....真係幫到手的姐妹...............(講是非唔係幾好既) 我雖然都唔精靈，但都仆心仆命咁幫手，結婚係一生人的一次大事，我唔擔保會唔會有咩出錯，只係我希望我可以做到最好........比個好回憶對新人 我因為要幫手編排日程表同司儀稿，所以之前果2晚都好夜先zzz！成個人好透支，搞到個樣又唔上妝又殘.........又上就補到2下粉...........咁咪出事囉....!! 好在新娘子果晚真係好靚 ?　佢平時不嬲都靚女o家啦? (又高又瘦...鼻高眼大嘴細.........佢有既我都冇.........妖！）令個場生色不少， 尤其是因為新娘子份人本身好玩得，又飲得?　搞到我果晚都唔清到底係人地想灌醉佢定佢想灌醉人 哈哈哈哈?　場面好少見?　新娘子四出去辣火頭！好搞笑?！！ 辛勞完一晚之後?　我地大夥人一起去新娘相熟的酒吧卡拉OK！ 不過未去之前已經有個兄弟醉左...正確D叫昏迷左 d兄弟又好好良心咁抬佢去卡拉OK喎！呢D咪叫手足情深， 比著我...我估我會放佢在男廁等人"發現屍體"就算嚕！ 而我果晚就冇飲酒啦?　因為我係"酒仙"黎.....(走先）一飲就拜拜........哈哈!!!!! 卡拉OK都玩得好盡興，本來醉左既人醒左，而之前未醉既人竟然又醉左！嘻嘻哈哈咁過左一個晚上? 雖然本來有d不愉快的事?　但最終大家都開開心心咁散場！其實開心真係最值得珍惜? 我o係呢喥衷心咁祝福一對新人~!! 甘苦與共 白頭到老 .......最重要係幸福快樂 還有一件小事?　我終於明白點解新娘子咁鐘意佢老公仔?　 因為...佢老公個肚腩......真係好似龍貓果個咁 一個可以享受一生一世的安樂枕~~　呵呵~~ <---按按看!